गायिका मञ्जु पौडेलको विलौना

- साप्ताहिक संवाददाता

श्रावण १२, २०७६

समयक्रम सँगै मानिसहरुको दैनिकी फेरिएको छ । घरायसी कामकाजमा ब्यस्त हुने महिलाहरु पछिल्लो समय विभिन्न अफिसियल काममा ब्यस्त हुन् थालेका छन् । हिजो घर परिवारको हेला होचोका तीज गीत गाउने महिलाहरुको गीत/संगीत प्रतिको रुची पनि यहि कामको फरक प्रकृतिका कारण फेरिएको छ । 

यहि फेरिएको समयलाई मध्यनजर गर्दै गायिका मञ्जु पौडेलको नयाँ गीत बजारमा आएको छ । गीतमा विशेषतः कामको चापमा परेकी एउटी महिलाको भावनालाई केन्द्रमा राखिएको छ । गीतमा भनिएको छ ‘काम भन्दै गयो मेरो आधा उमेर, घन्काइदेउ मादलु नाच्छु घुमेर ।’

संगीतकार अर्जुन पोखरेलले यस गीतको लय सिर्जना र संगीत संयोजन गरेका छन् । गीत दिग्गज धौरालीले लेखेका हुन् । 

शिव विकले निर्देशन गरेको गीतको भिडियोमा स्वयम् गायिका पौडेल र सञ्चारकर्मी अनुषा पौडेलले कम्मर मर्काएका छन् । 

गीतको म्यूजिक भिडियो :

 

प्रकाशित :श्रावण १२, २०७६

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्

×